बिर्तामोड । झापाको मेचीनगरमा एक जना मजदुरको मृत्यु भएको छ । मंगलबार मेचीनगर ५ बस्ने ५२ बर्षीय दिननाथ पराजुलीको मृत्यु भएको हो ।

मंगलबार दिउँसो अन्दाजी १२ः३० बजे मेचीनगर ५ शान्ति टोलमा निर्माणाधिन खानेपानी ट्याङ्कीको सटरिङको बाँस खोल्ने क्रममा पराजुली ३ तलाबाट लडेका थिए  । उपचारका लागि बीएण्डसी अस्पताल लगिएकोमा अस्पताल पुर्याउनासाथ उनलाई चिकित्सकले मृत घोषणा गरेको जिल्ला प्रहरी कार्यालय झापाले जनाएको छ ।