र्तामोड । झापा बुद्धशान्तिका कर्णप्रसाद अर्यालको परिवारले गुरुकुलका विद्यार्थीको अभिभावकत्व ग्रहण गरेका छन् । अर्याल परिवारले अर्जुनधारा नगरपालिका १ साधुटारस्थित श्री शंकराचार्य पीठ वेद वेदाङ्ग संस्कृत पाठशालामा अध्ययनरत एक जना विद्यार्थीको अभिभावकत्व ग्रहण गरेका हुन् ।

बुद्धशान्ति ७ सुनमाई निवासीअर्याल र उनकी श्रीमती शोभादेवी अर्यालले पाठशालामा अध्ययनरत एक जना विद्यार्थीको भोजन व्यवस्थापनका लागि एक लाख ५५ हजार १२५ रुपैँयाको अक्षयकोष स्थापना गरेका हुन् । राजनीतिक तथा सामाजिक व्यक्तित्व अर्यालले पाठशालामा अध्ययन गर्न आउने विद्यार्थी मध्ये एक जनालाई सदैव भोजनको व्यवस्थापन गर्ने गरी रकम प्रदान गर्न पाएकोमा खुशी व्यक्त गरे । 

अर्याल परिवारले पीठका व्यवस्थापन समिति अध्यक्ष लक्ष्मीप्रसाद खतिवडालाई रकम हस्तान्तरण गरेका थिए । खतिवडाले पौराणिक ग्रन्थलाई उद्धृत गर्दै पाठशालामा अध्ययन गर्न आउने विद्यार्थीलाई भोजन व्यवस्थापन गर्ने दाताको २१ पुस्ताले पुण्य प्राप्ति गर्ने उल्लेख भएको बताए । उनले अर्याल परिवारलाई धन्यवाद दिए । अध्यक्ष खतिवडाले पाठशालामा ११ करोड लक्ष्यका साथ  अक्षयकोष स्थापना गरिएको र हालसम्म कोषमा करिब एक करोड ५० लाख जम्मा भइसकेको जानकारी दिँदै सहयोगका लागि अपिल गरेका छन् ।