बिर्तामोड । झापाको अजुनधारा नगरपालिकामा आफै अनियन्त्रित भई लडेको मोटरसाइकलका चालकको मृत्यु भएको छ । कनकाई ४ बस्ने ३५ बर्षीय मनोज कुमालको उपचारको क्रममा मृत्यु भएको हो ।

आइतबार विहान अन्दाजी १०ः३० बजे अर्जुनधारा ४ दहीझोडास्थित दुर्गापुर–खुदुनावारी सडक खण्डमा दुर्गापुरबाट जुकेखाडीतर्फ आउदै गरेको मे ४ प ७१०६ नम्बर को मोटरसाइकल आफै अनियन्त्रित भई दुर्घटना हुँदा मोटरसाइकल चालक कुमाल गम्भीर घाइते भएका थिए । उनलाई उपचारको लागि  बीएण्डसी अस्पताल बिर्तामोड लगिएकोमा १२ः३० बजे नोबेल अस्पताल रेफर गरिएको थियो । नोबेल अस्पताल विराटनगरमा उपचारको क्रममा कुमालको साँझ ७ः२५ बजे मृत्यु भएको जिल्ला प्रहरी कार्यालय झापाले जनाएको छ ।

घटनाको सम्बन्धमा अनुसन्धान भइरहेको प्रहरीको भनाई छ ।