बिर्तामोड । नेपाल भारत सीमा नाका आज साँझ ६ बजेदेखि सिल गरिएको छ । भारत पश्चिम बंगाल विधानसभाको २०२६ को आम निर्वाचनका कारण सीमा सिल गरिएको हो ।

२३ अप्रिल २०२६ (वैशाख १० गते) दार्जिलिङ जिल्लामा मतदान हुने तय गरिएको छ । निर्वाचनको पूर्वसन्ध्यामा सीमा नाका सिल गरिएको र निर्वाचन सम्पन्न भए पश्चात खोलिने भारत सरकारले जनाएको छ ।

आकस्मिक चिकित्सा अवस्थाका बिरामीहरू, नेपाल वा बंगलादेशमा पहिले नै भ्रमणमा रहेका भारतीय वा विदेशी पर्यटकहरूले वैध कागजात देखाएमा प्रवेश पाउनेछन् ।

नेपाल आउन वा बंगलादेश जान चाहने पर्यटकहरूले पनि वैध कागजातका आधारमा यात्रा गर्न पाउने भारत सरकारले जनाएको छ ।