बिर्तामोड । पूर्वको प्रशिद्ध धार्मिक स्थल ताप्लेजुङस्थित पाथीभरा मन्दिरमा एकै महिना २४ लाख बढी भेटी संकलन भएको छ । पुष महिनामा पाथिभरा मन्दिरमा २४ लाख २५ हजार रुपैँया भेटी सकंलन भएको हो ।

पुष महिनामा मन्दिर दर्शनका लागि गएका ५९११ जना तीर्थ यात्रीबाट उक्त भेटी संकलन भएको पाथीभरा क्षेत्र विकास समितिका कार्यकारी निर्देशक प्रजिन हाङबाङले जानकारी दिए । 

समितिले संकलित भेटी नेपाल बैंक लिमिटेडमा रहेको समितिको खातामा जम्मा गरी मासिक रुपमा सार्वजनिक गर्दै आएको छ ।