बिर्तामोड । जेनजी आन्दोलनको क्रममा झापाका विभिन्न इलाका प्रहरी कार्यालयबाट फरार थुनुवा प्रहरीले धमाधम पक्राउ गरिरहेको छ । पछिल्लो एक हप्तामा प्रहरीले चार जना फरार थुनुवालाई पक्राउ गरेको हो ।

प्रहरीले शुक्रबार (आज) बिर्तामोड १ पञ्चकन्या टोल बस्ने ३० बर्षीय विशाल गौतमलाई पक्राउ गरेको छ । उनी लागूऔषध मुद्धामा अनुसन्धानको क्रममा इलाका प्रहरी कार्यालय अनारमनीको हिरासतमा रहेका बेला भदौ २४ गते जेनजी आन्दोलनको क्रममा फरार भएका थिए ।

त्यस्तै प्रहरीले यसै हप्ताको आइतबार बिर्तामोड २ का २८ बर्षीय किरणकुमार राजवंशीलाई पक्राउ गरेको थियो । उनी इप्रका अनारमनीको हिरासतबाट फरार भएका थिए ।

मंगलबार गौरादह १ का ३४ बर्षीय शुसिलकुमार थापा र अर्जुनधारा ७ का २० बर्षीय बुद्धिप्रसाद चम्लागाईलाई पक्राउ गरेको थियो ।

पक्राउ परेका सबै लागूऔषध मुद्धाका फरार प्रतिवादी भएको जिल्ला प्रहरी कार्यालय झापाले जनाएको छ ।

भदौ २४ गते जेनजी आन्दोलनको क्रममा इप्रका बिर्तामोड, झिलझिले र दमकबाट ९२ जना प्रतिवादी फरार भएका थिए ।