झापा । नागरिक बचाउ दलका संरक्षक दुर्गा प्रसाईँले प्रधानमन्त्री सुशीला कार्कीसँग माफी मागेका छन् ।

सोमबार प्रधानमन्त्री तथा मन्त्रिपरिषद्को कार्यालय सिंहदरबारमा प्रधानमन्त्री कार्कीसँग भेटवार्ता गर्दै प्रसाईँले माफी मागेका हुन् । उनले भने, ‘मैले बाहिर भनेका कुरामा सरी भन्छु । माफी माग्छु । तपाईँ माता हो, दुर्गा हो । दुर्गाको रूप धारण गरेर काम गर्नुहोस् । तपाईँको साथमा हामी छौँ । यो सरकारको पक्षमा हामी हुन्छौँ । सगरमाथाजस्तै अटल भएर यो सरकारको पक्षमा उभिन्छौँ ।’

त्यस अवसरमा प्रसाईँले प्रधानमन्त्री कार्कीलाई उपहारस्वरूप भगवती दुर्गाको मूर्ति प्रदान गरेका थिए ।