बिर्तामोड । इलाम–झापा मैत्री समाजले यस बर्षको वनभोज कार्यक्रम सम्पन्न गरेको छ ।

समाजले शनिबार बुद्धशान्तिस्थित भ्यूटावरमा यस बर्षको वनभोज कार्यक्रम सम्पन्न गरेको हो ।

समाजले प्रत्येक बर्ष समाजका सदस्यहरुको भेटघाट गराउने उद्धेश्यले वनभोज कार्यक्रम आयोजना गर्ने गरेको समाजकी अध्यक्ष तिलोत्तमा खत्रीले जानकारी दिइन् । वनभोजमा प्रतियोगितात्मक घैला फुटाई र म्युजिकल चेयर आयोजना गरिएको थियो ।

कार्यक्रममा रविन कार्की र सविन कार्कीले समाजले स्थापना गरेको अक्षयकोषमा नगद २१ हजार सहयोग गरेका थिए । समाजका उपाध्यक्ष नरेश कर्माचार्यको संयोजकत्वमा आयोजित कार्यक्रममा १५० बढीको सहभागिता रहेको सचिव सागर रिजालले जानकारी दिए ।