बिर्तामोड । कात्तिक २१ गते गौरादहमा अटो दुर्घटनामा घाइते खुस्बु खातुनको मृत्यु भएको छ । खातुनको नोबेल अस्पतालमा उपचारको क्रममा आइतबार मृत्यु भएको  हो ।

गौरादह नगरपालिका १ पाडाजुगी–गौरीगञ्ज सडक खण्डको गैरिया चोकमा कात्तिक २१ गते श्रीमान मोहम्मद डोमाले चलाएको अटो दुर्घटना हुँदा खुस्बु गम्भीर घाइते भएकी थिइन् । निम्स अस्पताल दमकमा प्राथमिक उपचार पश्चात नोबेल अस्पताल विराटनगरमा उपचार भइरहेकोमा आइतबार १२ः३० बजे खुस्बुको निधन भएको जिल्ला प्रहरी कार्यालय झापाले जनाएको छ ।

गैरिया चोकमा धान लोड गर्दै गरेको मिनि ट्रकमा अटो ठोक्किएर दुर्घटना हुँदा चालक डोमाको बाँया हातमा चोट लागेको र पछाडी सवार खुस्बु गम्भीर घाइते भएकी थिइन् ।

घटनाको सम्बन्धमा अनुसन्धान जारी रहेको प्रहरीले जनाएको छ ।