बिर्तामोड । झापाको बिर्तामोडमा रहेको एमिटी एजुकेसन फाउन्डेसनले  कक्षा १२ का विद्यार्थीको बिदाइ  गरेको छ । सोमबार बिर्तामोडको पाथीभरा सिने प्लाजाको सभाहलमा एक कार्यक्रमको आयोजना गरि कलेजले विद्यार्थीहरुको बिदाई गरेको हो ।
कार्यक्रममा सुभकामना मन्तव्य राख्दै विद्यालयका शिक्षक बालकृष्ण दाहालले एमिटी झापाकै एउटा ब्रान्ड बन्दै गरेको अवस्थामा अध्यापन गराउने कुरामा  आफुहरु कहि कतै नचुक्ने बताए ।
यस्तै कार्यक्रममा बोल्दै प्रधानध्यापक ढकालले विद्यार्थीहरु उच्च शिक्षाका लागि जहाँ पुगे पनि विद्यालय जीवनको शैक्षिक प्रगति सधैं स्मरणीय रहने साथै विद्यार्थीलाई उन्नति प्रगतिको सुभकामना व्यक्त गरे ।
विभिन्न किसिमका गित नृत्य प्रस्तुत गरिएको कार्यक्रमको संचालन फाउन्डेसनका शिक्षक बाल कृष्ण दाहालले ले गरेका थिए ।
विद्यालयका कोअर्डिनेटर बिनोद साहले स्वागत गरेको कार्यक्रममा एक सय बढी  विद्यार्थीको उपस्थिति रहेको थियोे । फाउन्डेसनका संस्थापक प्रधानाध्यापक आरएस ढकालको अध्यक्षतामा भएको कार्यक्रममा शिक्षा क्षेत्रका विभिन्न व्यक्तिहरूको सहभागीता रहेको थियो ।
विसं. २०५६ सालमा स्थापना भएको क्याम्पसले प्लस टु अन्तरगत म्यानेजमेन्ट , कम्युटर साइन्स, होटल म्यानेजमेन्ट  लगायतका बिषय अध्यापन गराउदै आइरहेको छ ।