बिर्तामोड । काठमाण्डौ उपत्यकाबाहिर सबैभन्दा बढी घरजग्गा कारोबार हुनेमा प्रदेश १ का तीन जिल्ला रहेका छन । झापा, मोरङ र सुनसरीमा कारोबार बढी हुने गरेको हो ।

काठमाण्डौ बाहिर बढी घरजग्गा कारोबार पूर्वको तराईका तीन जिल्लामा हुने देखिएको छ । पहाडबाट तराईमा हुने बसाइँसराइको प्रभाव यी जिल्लामा परेको छ ।

भूमि व्यवस्थापन तथा अभिलेख विभागको तथ्यांक अनुसार देशभर २०७९ को माघमा १ लाख १८ हजार घरजग्गा कारोबार भएका छन् ।

प्रदेश १ का ३ जिल्लाबाट मात्रै १२ हजार ३०६ वटा कारोबार भएका छन् ।

चालू आर्थिक वर्षको सुरुमा सुस्ताएको घरजग्गा कारोबार माघसम्म आउँदा बढ्दै गएको छ । अघिल्ला वर्षको तुलनामा भने अझै कम छ ।

२०७८ को माघमा १ लाख ३२ हजार कारोबार भएका थिए। २०७७ माघमा घरजग्गा कारोबार उच्च रहेको थियो । उक्त समय २ लाख ११ हजार वटा कारोबार भएका थिए ।

झापाका २ वटा कार्यालयबाट ५ हजार ९५९ वटा कारोबार भएको देखिएको छ । जसमा भूमि सुधार तथा मालपोत कार्यालय भद्रपुर झापाबाट ३ हजार ८६१ कारोबार भएको छ ।

दमक कार्यालयबाट २ हजार ९८ वटा कारोबार भएको छ । आघिल्लो वर्ष माघमा ७ हजार ११८ वटा कारोबार भएका थिए । २०७७ माघमा झापाबाट १२ हजार ६९२ वटा कारोबार भएका छन् ।

यस्तै मोरङबाट ६ हजार ९१२ वटा कारोबार भएका छ न्। मालपोत कार्यालय बेलबारी मोरङले ३ हजार ८३३, विराटनगर कार्यालयबाट २८ सय ३३ वटा र रङगेली कार्यालयबाट ७०६ वटा कारोबार रहेको छ । अघिल्लो वर्ष ७ हजार ८१८ वटा कारोबार भएका छन् ।

घरजग्गा कारोबार उच्च भएको समयमा १४ हजार १५८ वटा कारोबार भएका छन् ।

सुनसरी जिल्लाबाट ४ हजार ८०० वटा कारोबार भएका छन् । भूमिसुधार तथा मालपोत कार्यलय इनरुवा ४ हजार १५, धरानबाट ७८५ कारोबार भएका छन् ।

अघिल्लो वर्ष सुनसरीमा ६ हजार ४७८ वटा कारोबार भएका थिए । ९ हजार ९७८ वटा कारोबार भएका थिए ।