बिर्तामोड । स्थानीय तह निर्वाचन अन्तर्गत आज झापाका सबै पालिकामा मतदान जारी छ । झापाका १५ वटै पालिकामा शान्तिपूर्ण ढंगबाट मतदान जारी रहेको बताइएको छ ।

शुक्रबार विहान परेको पानीका कारण केहि पालिकामा बाहेक अधिकांश पालिकामा विहान ७ बजेदेखि नै मतदान शुरु जिल्ला प्रहरी कार्यालय झापाका प्रवक्ता प्रहरी नायव उपरीक्षक वसन्त पाठकले जानकारी दिए । झापाका १५ वटा पालिकामा २६२ मतदान स्थलमा ७५५ मतदान केन्द्र रहेका छन् । झापामा ३,२१,५२० जना पुरुष, ३,२४,७०५ जना महिला र ९ अन्य सहित ६,४६,२३४ जना मतदाता रहेका छन् ।