बिर्तामोड । झापा बिर्तामोडका एक समाजसेवीले जन्मोत्सवको उपलक्ष्यमा मन्दिरलाई सहयोग गरेका छन् । बिर्तामोड ७ का नवराज भट्टराईले स्थानीय मन्दिरलाई नगद सहयोग गरेका हुन् ।

भट्टराईले बिर्तामोड ७ मा अवस्थित देउनीयाँ धाममा रहेको शिव पाञ्चायन मन्दिरको रंगरोकनका लागि ८० हजार पाँच सय रुपैँया सहयोग गरेका छन् । विहिबार आयोजित एक कार्यक्रमका बिच भट्टराईले मन्दिर सञ्चालक समिति अध्यक्ष रेनुका उप्रेतीलाई सो रकम बराबरको चेक हस्तान्तरण गरेका हुन् ।

मन्दिर परिसरमा आयोजित कार्यक्रममा शिवरात्रीको अवसर पारेर फागुन १७ गते ज्येष्ठ नागरिक सम्मान कार्यक्रम गर्नेसमेत निर्णय भएको छ ।