बिर्तामोड । झापाको मेचीनगर १३ स्थित फुलबासा खोलामा माछा मार्ने क्रममा करेन्ट लागेर एक जनाको मृत्यु भएको छ । आफ्नो घरबाट करेन्ट लगाएर खोलामा माछा मार्नेक्रममा ५० बर्षीय मानबहादुर रसाइलीको मृत्यु भएको प्रहरीले जनाएको छ ।

शनिबार ४ बजे बराइलीले घरबाट १५ मिटर पश्चिम खोलामा करेन्ट लगाएर माछा मार्ने क्रममा घाइते भएका थिए । तत्कालै उनलाई उपचारका लागि अस्पताल लैजाँदै गर्दा बाटैमा मृत्यु भएको र शव घरमा ल्याएको भन्ने सूचना प्राप्त हुनासाथ इलाका प्रहरी कार्यालय धुलाबारीबाट प्रहरी टोली गएर घटनाको सम्बन्धमा अनुसन्धान गरिरहेको जिल्ला प्रहरी कार्यालय झापाका प्रवक्ता वसन्त पाठकले जानकारी दिए ।