बिर्तामोड । झापाको मेचीनगर १४ दुवागढीमा रहेको मगमग चाउचाउ उद्योगमा भिषण आगलागी भएको छ । विहान करिब ५ बजेदेखि लागेको आगो निभाउने प्रयास जारी भएपनि हालसम्म नियन्त्रणमा आउन नसकेको प्रहरीले जनाएको छ ।

आगो नियन्त्रणका लागि नेपाल प्रहरी, सशस्त्र प्रहरी, नेपाली सेना र स्थानीयबासीको सहयोगमा झापा तथा मोरङका करिब १ दर्जन दमकलले प्रयास गरिरहेको भएपनि नियन्त्रणमा आइनसकेको प्रहरीले जनाएको छ । आगलागीबाट मानवीय क्षति नभएको जिल्ला प्रहरी कार्यालय झापाका प्रवक्ता वसन्त पाठकले जानकारी दिए । आगलागीको कारण र क्षतिको विवरण आउन बाँकी छ ।