बिर्तामोड । झापाको बिर्तामोड १ बाट प्रतिबन्धित लागूऔषध ब्राउन सुगरसहित प्रहरीले तीन जनालाई पक्राउ गरेको छ । प्रहरीले अर्जुनधारा ५ का २३ बर्षीय राजन चौधरी, ३८ बर्षीय चित्रसिंह राजवंशी र २५ बर्षीय गणेश चौधरीलाई ९ ग्राम ब्राउन सुगरसहित पक्राउ गरेको इलाका प्रहरी कार्यालय झापाले जनाएको छ ।

उनीहरुलाई मंगलबार ३:४० बजे शसस्त्र प्रहरी बल सुरक्षा बेस क्याम्प शनिश्चरेबाट खटिएको गस्ती टोलीले पक्राउ गरेको प्रहरीले जनाएको छ । पक्राउ परेकाहरुलाई म्याद थप गरी इलाका प्रहरी कार्यालय अनारमनीले थप अनुसन्धान गरिरहेको प्रहरीले जनाएको छ ।