बिर्तामोड । झापा मेचीनगर नगरपालिकाको गाडीको ठक्करबाट मोटरसाइकल चालकको मृत्यु भएको छ । नगरपालिकाको मे १ झ १७२ नम्बरको स्करपियोको ठक्करबाट मेचीनगर ७ का अन्दाजी ३४ बर्षीय सन्तोष राजवंशीको मृत्यु भएको प्रहरीले जनाएको छ ।
उक्त स्करपियोले मे ९ प ७९२७ नम्बरको मोटरसाइकललाई वुधबार साँझ करिब ७ बजे मेचीनगरको टोकला चिया बगान अगाडी ठक्कर दिँदा राजवंशी गम्भिर घाइते भएका थिए । उनलाई उपचारका लागि हस्पिटल लैजाने क्रममा मृत्यु भएको जिल्ला प्रहरी कार्यालय झापाका प्रहरी प्रवक्ता प्रहरी नायव उपरीक्षक वसन्त पाठकले जानकारी दिए । ठक्कर दिने गाडी र चालक मेचीनगर नपा ७ का ४८ बर्षीय राजकुमार प्रधानलाई इलाका प्रहरी कार्यालय काँकरभिट्टाले नियन्त्रणमा लिएको प्रहरीले जनाएको छ ।