बिर्तामोड । राष्ट्रिय जनगणना २०७८ को प्रारम्भिक नतिजा अनुसार झापाको जनसंख्या ९ लाख ९४ हजार ९० जना पुगेको छ । तथ्याङक विभागका अनुसार १० वर्षमा १.९३ प्रतिशत जनसंख्या वृद्धि भएको छ ।

झापामा ४ लाख ७७ हजार ४९६ जना पुरुष र ५ लाख १६ हजार ५९४ जना महिला रहेको विभागले जनाएको छ । देशको कुल जनसंख्याको ३.४१ प्रतिशत जनसंख्या झापाको रहेको तथ्याङकमा उल्लेख छ । औषत परिवार संख्या ४.०४ रहेको विभागको विवरणमा उल्लेख छ ।

आज सार्वजनिक भएको प्रारम्भिक नतिजा अनुसार देश कै धेरै जनसंख्या हुने जिल्लाहरु काठमाण्डौ, मोरङ र रुपन्देही पछि झापा रहेको छ । ०६८ को जनगणनामा झापाको जनसंख्या ८ लाख १२ हजार ६ सय ५० जना रहेको थियो ।