बिर्तामोड । जेन जी आन्दोलनका क्रममा भदौ २४ गते झापाका विभिन्न प्रहरी कार्यालयबाट फरार थुनुवा अफै फर्किएका छैनन् । इलाका प्रहरी कार्यालय अनारमनी, दमक र झिलझिलेबाट भगाइएका थुनुवा अफै  फरार रहेका हुन् ।

आन्दोलनका क्रममा प्रहरी कार्यालय आगजनी र तोडफोड गर्ने क्रममा आन्दोलनकारीले भगाएका ९२ जना थुनुवा मध्ये केहि दिनपछि ३ जना प्रहरीको सम्पर्कमा आएको र बाँकि ८९ जना अझै फरार रहेको जिल्ला प्रहरी कार्यालय झापाले जनाएको छ । आन्दोलनका क्रममा बिर्तामोडबाट ३६ जना, झिलझिलेबाट ५ जना र दमकबाट ५१ जना फरार भएका थिए । प्रहरीले फरार थुनुवा तथा कैदीबन्दी पक्राउ गर्न अपरेशन नै सञ्चालन गरेको भएपनि झापामा हालसम्म कोहि पक्राउ परेका छैनन् ।

त्यस्तै आन्दोलनकारीले प्रहरी कार्यालयबाट लुटेका हतियार मध्ये अझै २४ थान हतियार फिर्ता नभएको जिल्ला प्रहरी कार्यालय झापाका सुचना अधिकारी डीएसपी खगेन्द्रबहादुर खड्काले जानकारी दिए । प्रहरीको हतियार बाहिर हुँदा समाजमा त्रास फैल्याएको छ भने शान्ति सुरक्षामा चुनौती थपिएको छ ।