बिर्तामोड । नेपाली सेनाले सुरक्षा कमाण्ड सम्हालिसकेपछि अराजक तथा उछृङखल गतिविधिहरुमा संलग्न २७ जनालाई पक्राउ गरेको छ । विषम परिस्थितीको अनुचित फाइदा उठाई लुटपाट, आगजनी जस्ता कृयाकलापमा संलग्नहरुलाई पक्राउ गरिएको नेपाली सेनाले जनाएको छ ।

मंगलबार राति १० बजेदेखि बुधबार विहान १० बजेसम्मको अवधिमा काठमाण्डौसहित विभिन्न स्थानबाट उनीहरुलाई पक्राउ गरिएको सेनाले जनाएको छ । नेपाली सेनाले काठमाकाण्डौको गौशाला, चाबहिल, बौद्ध क्षेत्रबाट लुटपाटमा संलग्न व्यक्तिहरुबाट ३३ लाख ७० हजार रुपैँयासमेत बरामद गरिएको सेनाले जनाएको छ ।

काठमाण्डौको विभिन्न स्थानहरुबाट २३ र पोखराबाट ८ नाल गरी विभिन्न किसिमका हतियार नाल ३१ तथा म्यागजिन एवं गोलीगठ्ठाहरु बरामद गरिएको छ । साथै, २३ जना घाईते नेपाल प्रहरी तथा ३ जना गैर सैनिक व्यक्तिहरुको सैनिक अस्पतालहरुमा उपचार गरिएको नेपाली सेनाले जनाएकोछ ।