बिर्तामोड । युवा पुस्तामा हुनसक्ने मानसिक रोग (डिप्रेशन र एन्जाइटी)को बारेमा बिर्तामोडमा सचेतना कार्यक्रम सम्पन्न भएको छ । लायन्स क्लब अफ बिर्तामोड स्मार्ट लेडी र द वर्ल्ड व्युटीको संयुक्त आयोजनामा मानसिक रोगसम्बन्धि सचेतना सम्पन्न भएको हो ।

बिएण्डसी अस्पतालकी मानसिक रोग विशेषज्ञ डा. श्रद्धा भण्डारीले कार्यक्रममा सहजीकरण गरेकी थिइन् । कार्यक्रममा १५० जनाको सहभागीता रहेको लायन्स क्लब अफ बिर्तामोड स्मार्ट लेडीकी अध्यक्ष यशोदा उप्रेतीले जानकारी दिइन् । जसमध्ये द वर्ल्ड व्युटीमा पार्लरसम्बन्धि विभिन्न कोर्ष गर्दै गरेका १ सय बढी विद्यार्थीहरुसमेत सहभागी थिए ।

मानसिक रोगका कारण युवाशक्तिमा समस्या आउन नदिन जनचेतना कार्यक्रम आयोजना गरिएको वर्ल्ड व्युटीका सञ्चालक भगवान बस्नेतले जानकारी दिए ।

बिर्तामोडस्थित आदर्श व्याङ्क्वेटमा सम्पन्न कार्यक्रममा द वर्ल्ड व्युटीका वत्सल भट्टराई, लायन्स क्लबका डिस्ट्रीट चिफ पिआरओ सत्यनारायण शर्मा लगायत सहभागी थिए ।