बिर्तामोड । झापाको बिर्तामोड नगरपालिकाका उपप्रमुख नगेन्द्र प्रसाद संग्रौला र वडा नम्बर ८ का वडाध्यक्ष अजय कार्कीबिच भनाभन भएको छ ।

नगर उपप्रमुख संग्रौलाले फेसबुकमा गरेको ‘कटु आलोचना’का कारण आक्रोशित वडाध्यक्ष कार्की र संग्रौलाबिच ‘तँ तँ र म म’ भएको हो । उपप्रमुख संग्रौलाले चिरन कार्कीले लेखेको फेसबुक कमेन्टमा आलोचना गर्दै ‘नागरिकता बेचेर खाने’ भन्दै कार्की लक्षित प्रति कमेन्ट गरेका थिए । नगर प्रहरी र नेपाल प्रहरीले जनप्रतिनिधीबिच कुटाकुट हुनबाट रोकेका थिए ।

उपप्रमुख कै कार्यकक्षमा तल्लो स्तरको गालीसहित भनाभन भएको भिडियो यतिबेला सामाजिक सञ्जालमा भाइरल भएको छ ।