बिर्तामोड । झापाको दमकमा बसको ठक्करबाट साइकलयात्रीको मृत्यु भएको छ । शनिबार विहान दमक–४ चिया  बगानस्थित पूर्वपश्चिम लोकमार्गमा भएको दुर्घटनामा परि स्थानीय ६० बर्षीय सोमबहादुर विकको निधन भएको हो ।

उर्लाबारीबाट दमकतर्फ आउँदै गरेको प्रदेश न.१–०१–००१ ख ४३६३ नम्बरको यात्रुबाहक बसले दमकबाट ताराबारीतर्फ जाँदै गरेको साईकल यात्री विकलाई ठक्कर दिँदा उनी गम्भीर घाइते भएका थिए । उनलाई तत्काल उपचारको लागि दमक अस्पताल पठाइएकोमा उपचारको क्रममा ७ः३० बजे उनको मृत्यु भएको जिल्ला प्रहरी कार्यालय झापाले जनाएको छ ।

बस, साईकल र बस चालक जिल्ला मकवानपुर हेटौडा नगरपालिका ७ बस्ने बर्ष ४७ को राजेन्द्र गौतमलाई इलाका प्रहरी कार्यालय दमकले नियन्त्रणमा लिएर अनुसन्धान गरिरहेको प्रहरीले जनाएको छ ।