बिर्तामोड । बुधबार राति झापाको बिर्तामोड नगरपालिका वडा नम्बर २ रामचोकमा दुर्घटना गराएर फरार हायस र चालकलाई प्रहरीले पक्राउ गरेको छ । दुर्घटनामा परी सप्तरी सुरुङ्गा नगरपालिका १ बस्ने बर्ष ३८ को रामबहादुर भुजेलको मृत्यु भएको थियो ।

बुधबार राति १०:४५ बजे उक्त हायसले दुर्घटना गराएर तत्काल फरार भएको थियो । बा ५ ख ६८०३ नम्बरको हायस र चालक जिल्ला मकवानपुर थाहा नगरपालिका ७ बस्ने बर्ष २७ को रोशन तामाङलाई प्रहरीले खोजतालसको क्रममा मेचीनगरस्थित बसपार्कबाट बिहीबार पक्राउ गरेको जिल्ला प्रहरी कार्यालय झापाले जनाएको छ । उनलाई इलाका प्रहरी कार्यालय अनारमनीमा राखेर अनुसन्धान भइरहेको प्रहरीले जनाएको हो ।