बिर्तामोड । सशस्त्र प्रहरीले साढे तीन लाखको अवैध रुपमा नेपाल भित्र्याउँदै गरेको मोबाइल पार्टस र इलेक्ट्रोनिक्स सामान बरामद गरेको छ । सोमबार शसस्त्र प्रहरी बल नेपाल प्रस्तावित सीमा सुरक्षा गुल्म काँकरभिट्टाको टोलीले भारतबाट भन्सार छलि गरी नेपाल ल्याउँदै गरेको ४ लाख ५५ हजार सात सय रुपैँया बराबरको मोबाइल पार्टस र इलेक्ट्रोनिक्स सामान बरामद गरेको हो ।

सशस्त्र प्रहरी नायव उपरीक्षक शस्शेरबहादुर कार्कीको कमाण्डमा खटिएको टोलीले मेचीनगर ७ जोरसिमलबाट सोमबार २:३० बजे ती सामान बरामद गरेको हो । बरामद गरिएको सामान आवश्यक कारबाहीका लागि मेची भन्सार कार्यालय काँकरभिट्टामा बुझाइएको सशस्त्र प्रहरी बल नेपाल नं. २ गण हेक्वा झापाका सुचना अधिकारी सशस्त्र प्रहरी नायब उपरीक्षक सुमन पोखरेलले जानकारी दिए ।