बिर्तामोड । भिक्टोरी मार्सल आर्टस एण्ड स्पोर्टस् एकेडेमीले आफ्ना खेलाडी र अभिभावकको आँखा जाँचका लागि शिविर आयोजना गरेको छ । शनिवार आयोजित शिविरमा ९० जना खेलाडी र अभिभावकले आँखा जाँच गराएका छन् ।

बिर्तामोड–४ स्थित नेवा भवनमा रहेको एकेडेमीको हलमा आयोजित शिविरमा बिर्तामोड आँखा अस्पतालले प्राविधिक सहयोग गरेको थियो । शिविरमा डा. सञ्जोग गड्तौलाको नेतृत्वमा प्राविधिक टीमले काम गरेको थियो ।

एकेडेमीका सञ्चालक सूर्यबहादुर थापाको अध्यक्षतामा सम्पन्न शिविरका प्रमुख अतिथी बिर्तामोड–४ का वडा सदस्य केशवकुमार श्रेष्ठले खेलाडीहरुको आँखा स्वस्थ हुन जरुरी रहेको भन्दै शिविरले परीक्षणमा केहि मद्दत पुग्ने विश्वास व्यक्त गरे ।

बिर्तामोड–४ नम्बर वडा कार्यालयसँगको समन्वयमा शिविर सञ्चालन भएको हो । औपचारिक कार्यक्रम स्थानीय नारायण सिलवालले सञ्चालन गरेका थिए । एकेडेमीका सञ्चालक थापाले शिविर सञ्चालनका लागि सहयोग गर्ने वडा कार्यालय, बिर्तामोड आँखा अस्पताल र सहभागी सम्पूर्णलाई धन्यवाद दिए ।