बिर्तामोड । झापा बुद्धशान्ति–१ का आयुस  र आरोहि रिजालले जन्म दिनको अवसरमा झापाली महिला पत्रकारहरुको साझा संस्था नारी सञ्चार गृहलाई सहयोग रकम प्रदान गरेका छन् । उनीहरुले नारी सञ्चार गृहको अक्षय कोषमा ७ हजार ५ सय रुपैँया सहयोग गरेका हुन् ।

१० वर्षीय आयुसले जन्मोत्सवको अवसर पारेर आफ्नो र बहिनीका नाममा सो रकम अक्षयकोष बृद्धि तथा परिचालन समिति संयोजक जोस्ना श्रेष्ठलाई हस्तान्तरण गरेका हुन् ।

२०७५ सालमा स्थापना भएको अक्षयकोषमा २०८१ सालको चैत मसान्तमा ५० लाख  पाँच हजार जम्मा भइसकेको छ । त्यस यता गत जेठ २ गते बिर्तामोडका सामाजिक व्यक्तित्व सुरेस अग्रवाल भद्रपुरेले २१ हजार प्रदान गरेका छन् भने सहारा नेपाल साकोसका प्रमुख कार्यकारी महेन्द्र गिरीले कोषमा एकलाख रुपैयाँ प्रदान गर्ने घोषणा गरेका छन् ।

संस्थाले १ करोडको अक्षयकोष निर्माण गर्ने लक्ष्यका साथ काम गरिरहेको संस्थाकी अध्यक्ष रेजिना गौतमले जानकारी दिइन् ।