झापा । रसुवाबाट काठमाडौं ल्याउँदै गरेको अवस्थामा  प्रहरीले ७ केजी ६५३ ग्राम सुन बरामद गरेको छ । बा.४ ख ६२०१ नम्बरको डिब्बा चेकजाँच गर्ने क्रममा उक्त सुन बरामद भएको हो ।

स्याउको डिब्बामा चालक सिटको ढोकामा फल्स बटम बनाएर ल्याउँदै गरेको अवस्थामा प्रहरीले गोसाइकुण्ड गाउँपालिका वडा नम्बर २ बाट सो सुन बरामद गरेको हो ।

तर, सुन यकिन गर्नको लागी परिक्षण गर्ने काम बाँकी रहेको बागमति प्रदेशका डीआईजी अरुण पौडेलले बताए । उनले भने, ‘सुन यकिन गर्नको लागी परिक्षण गर्न पठाउँछौं, अहिले परिक्षण गरिएको अवस्था छैन् ।’

डिब्बा चालक गोसाइकुण्ड गाउँपालिका वडा नम्बर ५ घर भएका किशोर कुमार भुजेललाई प्रहरीले पक्राउ गरेको छ ।