बिर्तामोड । नेपाल प्रहरी प्रधान कार्यालयले एकैसाथ ६३ जना प्रहरी उपरीक्षक (एसपी) हरुको सरुवा गरेको छ । सोमबार उनीहरुको सरुवा गरिएको हो ।

जिल्ला प्रहरी कार्यालय झापाको प्रमुखमा राजन लिम्बु आउने भएका छन् । लिम्बु जिल्ला प्रहरी कार्यालय चितवनबाट झापा आउन लागेका हुन् । झापामा कार्यरत एसपी मिलन केसीको काठमाण्डौ उपत्यका प्रहरी कार्यालय रानीपोखरीमा काज सरुवा भएको छ । 

त्यस्तै अनन्तराम शर्माको जिल्ला प्रहरी कार्यालय सर्लाहीमा सरुवा गरिएको छ । अनुपम श्रेष्ठको  जिल्ला प्रहरी कार्यालय पश्चिम नवलपरासीमा सरुवा गरिएको छ । अमरेन्द्र बहादुर सिंहको मधेश प्रदेश प्रहरी कार्यालय आर्थिक प्रशासन तथा प्रबन्ध महाशाखा जनकपुर,धनुषामा सरुवा गरिएको छ ।

खड्क बहादुर खत्रीको जिल्ला प्रहरी कार्यालय कञ्चनपुरमा सरुवा गरिएको छ भने ठाकुर प्रसाद पोखरेलको लुम्बिनी प्रदेश प्रहरी गण कोहलपुर बाँकेमा सरुवा गरिएको छ ।

दधिराम न्यौपानेको जिल्ला प्रहरी कार्यालय स्याङ्जामा सरुवा गरिएको छ । त्यस्तै नारायण प्रसाद अधिकारीको जिल्ला प्रहरी कार्यालय गुल्मीमा सरुवा गरिएको छ ।