बिर्तामोड । मधेश प्रदेशका पूर्वप्रमुख राजेश अहिराजविरुद्ध पक्राउ पुर्जी जारी भएको छ । अहिराजविरुद्ध जबरजस्ती करणी मुद्दामा पक्राउ पुर्जी जारी भएको हो ।

जिल्ला प्रहरी परिसर, काठमाण्डौका प्रवक्ता एसपी अपिलराज बोहोराले भने, ‘उहाँमाथि अनुसन्धान गर्दैछौँ । एउटा जाहेरी परेको छ ।’

जाहेरीमा अहिराजले मधेश मूलकी एक नाबालिगलाई १७ वर्षको उमेरदेखि शारीरिक तथा मानसिक यातना दिँदै आएको आरोप छ ।

अहिराज २०७७ फागुन ७ गतेदेखि २०७८ श्रावण ३२ गतेसम्म मधेश प्रदेशका प्रमुख बनेका थिए । उनी अधिवक्ता, मधेशवाणी पत्रिकाका सम्पादक र मधेश मिडिया हाउसका सञ्चालक हुन् ।