पोखरा । पोखरा भ्रमण वर्षको उद्घाटन गर्ने क्रममा हाइड्रोजन बेलुन पड्किदाँ आगोको लप्का लागेर अर्थमन्त्री विष्णु पौडेल र पोखरा महानगरपालिका मेयर धनराज आचार्य घाइते भएका छन् । पोखरा रंगशालामा भइरहेको कार्यक्रममा बेलुन उडाएर उद्घाटन गर्ने क्रममा उक्त दुर्घटना भएको हो ।

इलेक्ट्रिक स्विच थिचेर बेलुन उडाउने क्रममा हाइड्रोजन बेलुन पड्किएको र आगोको लप्काले लागेर मेयर आचार्य र अर्थमन्त्री पौडेलको गाला जलेको स्रोतले जनाएको छ । उनीहरु दुवैलाई किर्तिपुरस्थित बर्न हस्पिटलमा उपचार भइरहेको छ ।