बिर्तामोड । अपरिचित व्यक्तिको छुरा प्रहारबाट गम्भीर घाइते भएका भारतीय अभिनेता सेफ अलि खान खतरामुक्त रहेको बताइएको छ । बिहीबार बिहान घरभित्र छिरेका अपरिचित व्यक्तिले सेफमाथि छुरा प्रहार गरेका थिए ।

भारतीय मिडियाका अनुसार उनको मुम्बईस्थित लिलावती अस्पतालमा उपचार भइरहेको छ । मेरुदण्डको छेउमा समेत चक्कु प्रहार भएको छ । देब्रे हातमा दुईवटा गहिरो चोट छन् । डा. नितिन डाँगेको टिमले उनको उपचार गरिरहेको छ । घरमा छिरेका ती व्यक्तिले घरमा काम गर्ने व्यक्तिसँग भनाभन गरेको र सम्झाउने क्रममा सेफमाथि चक्कु प्रहार गरेको बताइएको छ ।