२०८१ माघ २९ गते , मंगलबार
बिर्तामोडको पीटुआर अटोमा हिरोका नयाँ बाइक सार्वजनिक

बिर्तामोड । सिजी मोटर्सले हिरोको दुई नयाँ मोटरसाइकल बिर्तामोडमा सार्वजनिक गरेको छ । बिहीबार एक कार्यक्रम गरी पीटुआर अटो जोनमा हिरोका दुई नया मोडलका बाइक सार्वजनिक गरेको हो ।
कम्पनीले हिरो एक्सट्रीम १२५ आर र १६० आर सार्वजनिक गरेको छ । नयाँ बाइक बिर्तामोड उद्योग वाणिज्य संघका अध्यक्ष राजु न्यौपानेले सार्वजनिक गरेका थिए ।
नयाँ बाइकको मूल्य १६० आर फोरभी प्रोको मुल्य ३ लाख ८४ हजार नौसय, १२५ आर सीबीएस भेरिएन्टको २ लाख ८९ हजार नौ सय र एबीएस भेरिएन्टको मुल्य ३ लाख ११ हजार नौ रुपैँया रहेको पीटुआर अटो जोनका सञ्चालक प्रकाश भट्टराईले जानकारी दिए ।
कार्यक्रममा राइडरहरुले रोड शो गर्नुका साथै गायक निशान भट्टराईको सांगीतिक प्रस्तुति समेत रहेको थियो ।