बिर्तामोड । आज बिर्तामोडक्षेत्रका विद्यालय बन्द रहने भएका छन् । अविरल बर्षाका कारण विद्यार्थीहरुलाई विद्यालय आवतजावतमा समस्या परेको भन्दै नगरपालिकाले आज विद्यालय बन्द गर्न आग्रह गरेको हो ।

शनिबार बसेको नगर प्रमुख स्तरीय निर्णयबाट हिउँदे/बर्षे विदाबाट कट्टा हुनेगरी  आइतबार एक दिन  नगरभित्रका सबै संस्थागत तथा सामुदायिक विद्यालयहरु बिदा गर्ने निर्णय भएको नगर प्रमुखका प्रेस संयोजक रमेश तिवारीले जानकारी दिए । यता अविरल बर्षाका कारण मानवीय क्षति हुनुका साथै बाढी पहिरोले आवागमनमा समस्या भएको भन्दै शिक्षा मन्त्रालयले तीन दिन विद्यालय विदा गर्न आग्रह गरेको छ ।