बिर्तामोड । झापाको बुद्धशान्ति गाउँपालिका वडा नम्बर १ स्थित बुधबारेमा एक जना भारतीय नागरिकले पानी खाने करुवाले हानेर श्रीमतीको हत्या गरेका छन् । बुधबारेमा सुन पसल सञ्चालन गरी बस्ने रघुनाथ गोरडले श्रीमती सपना गोरडको हत्या गरेका हुन् ।

भारत महाराष्ट्र गुरेली ग्राम पञ्चायतका ३२ बर्षीय रघुले सामान्य वादविवादको क्रममा विहीबार विहान ३ बजे श्रीमतीको टाउकोमा करुवाले हानेका थिए । करुवा प्रहारबाट गम्भीर बनेकी २६ बर्षीया सपनाको घटनास्थलमै मृत्यु भएको प्रहरीले जनाएको छ । हत्या आरोपमा रघुनाथलाई प्रहरीले नियन्त्रणमा लिएर थप अनुसन्धान गरिरहेको जिल्ला प्रहरी कार्यालय झापाका प्रवक्ता डीएसपी वसन्त पाठकले जानकारी दिए ।