काठमाडौं । वाणिज्य, आपूर्ति तथा उपभोक्ता संरक्षण विभागले पिउने बोत्तल तथा जारको पानीको मूल्य निर्धारण गरेको छ । अब उपभोक्ताले अहिले बजारमा बिक्री भइरहेको भन्दा सस्तोमा जार र बोत्तलको पानी किन्न पाउने पएका छन् ।

नयाँ मूल्यअनुसार अब सरकारले १ लिटरको बोतलमा भरिएका खाने पानीलाई काठमाण्डौमा १६ रुपैयाँ र उपत्यकाभन्दा बाहिर २० रुपैँया भन्दाधेरै लिन नपाइने व्यवस्था गरेको हो । अहिले होटलहरुले प्रति १ लिटर बोत्तल ६० रुपैँयासम्म लिइरहेका छन् ।

त्यस्तै, २० लिटरको जारको पानीलाई ४७ रुपैयाँ नयाँ मूल्य तोकिएको छ । काठमाडौं बाहिर भने प्रतिजार ६० रुपैयाँ मूल्य तोकिएको छ । अहिले ५० देखि ६० रुपैयाँमा काठमाण्डौमा बिक्री भइरहेको थियो ।

नयाँ मूल्यभन्दा महंगोमा पानी विक्री गरेमा विक्रेतालाई कारवाही हुने विभागले जनाएको छ ।