बिर्तामोड । झापाको बिर्तामोड–४ मा कार्यालय रहेको शब्दपत्र प्रकाशन प्रालिद्धारा प्रकाशन तथा प्रशारण हुँदै आएको अनलाइन पोर्टल शब्दपत्र डटकम स्थापनाको दोस्रो बर्षमा प्रवेश गरेको छ ।

स्थानीय समाचारलाई प्राथमिकतामा राखेर प्रकाशन तथा प्रशारण हुँदै आएको अनलाइन पोर्टलले छोटो समयमा धेरै पाठकको मन जित्न सफल भएको छ ।

गत बर्ष घटस्थापनाको अवसर पारेर सञ्चालनमा आएको पोर्टल सञ्चालनमा आएको थियो । शब्दपत्र अनलाइनले हाल परिवर्तन हुँदै आएको डिजिटल पत्रकारिताका माध्यमबाट स्थानीय समाचारलाई पाठकसम्म पुर्याउने कार्य गरिरहेको सम्पादक तथा प्रकाशक उद्धव पुरी बताउँछन् । धरानबाट प्रकाशन हुँदै आएको ब्लाष्ट टाइम्स दैनिकको बिर्तामोड कार्यालयमा करिव १८ बर्ष कार्यसम्पादन गरिसकेका पुरी अवको पत्रकारिताका लागि हरेकले प्रबिधिसँग खेल्नु पर्ने र पाठकको मन जित्न सक्नु पर्ने बताउँछन् ।