बिर्तामोड । झापा बुद्धशान्ति–२ स्थित रबर बगानमा मोटरसाइकल दुर्घटनाहुँदा एक जनाको मृत्यु भएको छ । साउन २२ गते आइतबार ५ बजे भएको दुर्घटनाबाट अर्जुनधारा–७ की ६२ बर्षीया लक्ष्मीमाया कार्कीको मृत्यु भएको हो ।

जयपुरबाट शनिश्चरे तर्फ जाँदै गरेको प्र–१–०१–०१५ प २५३४ नम्बरको मोटरसाइकल आफै अनियन्त्रित भई दुर्घटना हुँदा मोटरसाइकलको पछाडी सवार लक्ष्मीमायाको टाउकोमा चोट लागेर गम्भिर घाइते भएको र उपचारका लागि बिर्तामोडस्थित बिएण्डसी अस्पताल लगिएकोमा डाक्टरले अस्पताल पुर्याउनासाथ मृत घोषणा गरेको जिल्ला प्रहरी कार्यालय झापाका प्रवक्ता डिएसपी वसन्त पाठकले जानकारी दिए । मोटरसाइकल चालक मृतकका छोरा ४४ बर्षीय सुमन कार्की सकुशल रहेको बताइएको छ । घटनाका सम्बन्धमा थप अनुसन्धान भइरहेको प्रहरीले जनाएको छ ।