काठमाण्डौ । हिजो विहानदेखि बेपत्ता तारा एयरको विमान दुर्घटनाग्रस्त अवस्थामा फेला परेको छ । विमान थासाङ–२ मा दुर्घटना भएको अवस्थामा यार्सागुम्बा संकलक किसानहरुले फेला पारेका हुन् ।

विमान बेपत्ता भएसँगै नेपाली सेनाको टोलीले उद्वार कार्य अघि बढाएपनि खराब मौसमका कारण पत्ता लाग्न सकेको थिएन । मानापाथी हिमालको फेदीमा पहिरो गइरहेको स्थानमा आगो लागिरहेको देखेको भन्दै स्थानीयले आइतबार नेपाली सेनालाई खबर गरेको भएपनि प्रतिकूल मौसमका कारण उद्वार टोली त्यहाँ पुग्न सकेको थिएन । सोमबार विहान सोहि क्षेत्रमा विमान फेला परेको बताइएको छ ।

विमानमा चालक दलका तीन सदस्यसहित २२ जना सवार थिए ।