बिर्तामोड । पर्सी बैशाख ३० गते हुने स्थानीय तह निर्वाचनका लागि झापाका सबै निर्वाचन केन्द्रमा निर्वाचन सामाग्री पुगिसकेको छ । झापाका ७५५ वटै मतदान केन्द्रहरुमा निर्वाचन सामाग्री पुगिसकेको जिल्ला निर्वाचन कार्यालय झापाले जनाएको छ ।

मतदान केन्द्रमा आवश्यक सम्पूर्ण तयारी पूरा हुनुका साथै त्यहाँ आवश्यक सामाग्री पुगिसकेको जिल्ला निर्वाचन कार्यालय झापाका प्रमुख तुलसीकुमार नेपालले जानकारी दिए । जल तथा मौसम विभागले मतदान गर्ने दिन पानी पर्ने सम्भावना रहेको जनाएपछि मतदान स्थलहरुमा पाल÷त्रिपालको व्यवस्था गरिनेपनि उनले जानकारी दिए । 

झापामा ३ लाख २१ हजार ५२० पुरुष र ९ अन्यसहित ६ लाख ४६ हजार २३४ मतदाता रहेका छन् ।