बिर्तामोड । जंगली जनावरको आक्रमणबाट ८३ जनाको मृत्यु भएको छ । चालु आवको मंसिर मसान्तसम्म हात्ती, बाघ, सर्पलगायत जनावरको आक्रमणबाट उनीहरुको मृत्यु भएको हो ।

सर्पको टोकाईबाट सबैभन्दा धेरै मानिसको मृत्यु भएको प्रहरीले जनाएको छ । नेपाल प्रहरीका अनुसार पाँच महिनाको अवधिमा सर्पको टोकाईबाट ७० जनाको मृत्यु भएको छ भने ५३२ जना घाइते भएका छन् ।

हात्तीको आक्रमणबाट ६ जना, बाघको आक्रमणबाट ३ जना र गैँडाको आक्रमणबाट ४ जनाको मृत्यु भएको छ । भालुको आक्रमणबाट मानिसको मृत्यु नभएपनि १५ जनाको घाइते भएको प्रहरीले जनाएको छ ।