बिर्तामोड । झापामा धानको कुन्युमा हुने आगलागीको घटनामा वृद्धि भएको छ । प्राय दैनिक जसो खेतमा राखिएको कुन्युमा हुने आगजनीको घटनामा वृद्धि भइरहेको हो ।

बिहीबार बिहान कचनकवल–२ बकलामारीमा राखिएको ३ विगाह खेतको कुन्युमा आगलागी भएको छ । स्थानीय नारायण सिंह राजवंशीको ३ विगाह खेतमा लगाएको २ वटा धानको कुन्युमा अचानक आगलागी हुँदा करिब २ सय मन धान र परालमा क्षति भएको जिल्ला प्रहरी कार्यालय झापाले जनाएको छ । आगलागीका कारण करिब ३ लाख बराबरको क्षति भएको प्रारम्भिक अनुमान गरिएको छ ।

आगलागीको घटना भएको सुचना पाए लगत्तै प्रहरी चौकी पथारीयाबाट गएको प्रहरी, स्थानीयबासीले भद्रपुर नगरपालिकाको दमकलको सहयोगमा ३ः२० बजे आगो नियन्त्रणमा लिइएको प्रहरीले जनाएको छ ।