बिर्तामोड । आज राष्ट्रिय पोशाक एवम् टोपी दिवस मनाइएको छ । झापाको बिर्तामोडमा राष्ट्रिय प्रजातन्त्र पार्टीको अगुवाईमा प्रभातफेरी आयोजना गरिएको हो ।

राप्रपा बिर्तामोड ४ नम्बर वडा कमिटीको आयोजनामा निकालिएको प्रभात फेरीमा राष्ट्रिय पोशाक र ढाका टोपी लगाएका युवाहरुको स्तस्फुर्त सहभागिता रहेको थियो । नेपाली टोपी :  हाम्रो गौरव हाम्रो पहिचान भन्ने नाराका साथ टोपी दिवस मनाइएको हो ।

प्रभातफेरीमा राष्ट्रियता प्रजातन्त्र उदारवाद, नेपाली जनता जिन्दावाद जस्ता नारा लगाइएको थियो । भद्रपुर रोडस्थित पार्टी कार्यालय अगाडीबाट निकालिएको र्याली हनुमान सेन्टरमा आएर कोणसभामा परिणत भएको थियो । कोणसभालाई राप्रपाका केन्द्रिय प्रवक्ता भक्ति सिटौलाले सम्बोधन गरेका थिए ।