बिर्तामोड । झापाको दमक नगरपालिकास्थि बसपार्कमा रहेको मिलन होटेल एण्ड लजमा दुईजना युवतीसँग बास बसेका एक युवक आज बिहान मृत फेला परेका छन् ।

मिलन होटल एण्ड लजको भुइँतलाको कोठामा बसेका सिन्धुलीका अन्दाजी बर्ष ३४ का ईन्द्रबहादुर सुनुवार मृत फेला परेका हुन् । मृतकको साथबाट ईन्द्रबहादुर सुनुवार लेखिएको परिचय खुल्ने कागजात फेला परेको प्रहरीले जनाएको छ ।

मृतकसंगै बस्ने नामथर, वतन नखुलेका दुईजना युवतीलाई नियन्त्रणमा लिई थप अनुसन्धानको लागि इलाका प्रहरी कार्यालय दमक लगिएको छ । त्यस्तै प्रहरीले होटल संचालिका निर्मला केसीलाई समेत नियन्त्रणमा लिएको छ । बसपार्कमा रहेको मिलन होटेल एन्ड लजमा यौन धन्दा हुँदै आएको बताइन्छ । यौन कार्य गर्न आएका व्यक्तिको मृत्यु भएको आशंका गरिएको छ ।