बिर्तामोड । झापाको बिर्तामोडमा पहिलो पटक कर्मयोग भवन सञ्चालन गर्न लागेको सिद्धिविनायक भजन किर्तन मण्डलीको अध्यक्षमा भक्ति पाठक चयन भएका छन् ।

आइतबार सम्पन्न मण्डलीको साधारणसभाबाट पाठक सर्वसम्मत अध्यक्ष चयन भएका हुन् । उनी यस अघि संस्थाको कोषाध्यक्ष रहेका थिए ।

उपाध्यक्षमा सिद्धिनाथ गौतम, सचिव उमा भट्टराई आचार्य, सहसचिव दिनेश अधिकारी र कोषाध्यक्षमा यामप्रसाद न्यौपाने चयन भएका छन् ।

सदस्यहरुमा भिमा शिवाकोटी, शंकरमणि उप्रेती, राम सिटौला, कृष्णप्रसाद (कमल) उप्रेती, अम्बिका रेग्मी, तारा पाठक, डिकबहादुर राजवंशी, श्रीप्रसाद उप्रेती, चन्द्रादेवि पोखरेल र ललिता पाण्डे चयन भएको कोषाध्यक्ष यामप्रसाद न्यौपानेले जानकारी दिए ।

मण्डलीले बिर्तामोड–४ मेघाबारी टोलमा सिद्धिविनायक गणेश पाञ्चायन मन्दिर निर्माण गरेको छ भने २ बर्षअघि चर्चित भागवत वाचिका राधिका दासीको प्रमुख वाचकत्वमा लगाएको पुराणबाट संकलित रकमले कर्मयोग भवन र बहुउद्धेश्यीय सामुदायिक भवनका लागि जग्गा खरिद गरेको छ । प्रदेश सरकारले विनियोजन गरेको २५ लाख रुपैँयाले कर्मयोग भवन निर्माण भइरहेको छ भने यहि बर्षभित्र सञ्चालनमा ल्याउने तयारी रहेको छ ।