बिर्तामोड । झापाको मेचीनगरमा बसको ठक्करबाट मोटरसाइकल चालकको मृत्यु भएको छ । दुर्घटनाबाट भद्रपुर–१० का ५५ बर्षीय किसन न्यौपानेको मृत्यु भएको हो ।

आज दिउँसो अन्दाजी १२ः३० बजे मेचीनगर नगरपालिका वडा नं ११ तेलिबारीस्थित पूर्वपश्चिम राजमार्गमा बागमती प्र–०१– ००६ ख ४९० नम्बरको बस र मे १० प ३५७२ नम्बरको मोटरसाइकल एक आपसमा ठक्कर खाई दुर्घटना हुँदा मोटरसाइकल चालक न्यौपाने घाइते भएका थिए । घाइते न्यौपानेलाई उपचारको लागि बीएण्डसी अस्पताल विर्तामोड ल्याइएकोमा अस्पताल ल्याइ पुर्याउनासाथ चिकित्सकले मृत घोषणा गरेका थिए ।

बस, बस चालक उदयपुर चौदण्डीगढी नगरपालिका वडा नं. ६ बस्ने अन्दाजी ४२ वर्षीय बिजयकुमार यादव र मोटरसाइकल इलाका प्रहरी कार्यालय धुलाबारीको नियन्त्रणमा रहेको जिल्ला प्रहरी कार्यालयले जनाएको छ ।