झापा । अमेरिकामा जारी टी–२० विश्वकपमा भारतले विजयी शुरुवात गरेको छ । समूह ए अन्तगरगतको खेलमा भारतले आयरल्याण्डलाई हराएको हो

आयरल्याण्डले प्रस्तुत गरेको ९७ रनको लक्ष्य भारतले १२.२ ओभरमा मात्र २ विकेटको क्षतिमा पछ्याएको हो ।

भारतका लागि कप्तान रोहित शर्मा नायक बने । रिटायर्ड हर्ट हुनअघि उनले ३७ बलमा ५२ रन जोडे । उनले यसक्रममा ४ चौका र ३ छक्का प्रहार गरे ।

उनलाई ऋषभ पन्तले राम्रो साथ दिए । पन्तले २६ बलमा ३६ रन बनाएर टोलीलाई लक्ष्यमा र्पुयाए । उनले ३ चौका र २ छक्का हिर्काए ।

सूर्यकुमार यादवले भने मात्र २ रन बनाएर पेभिलियन फर्किएका थिए । विराट कोहलीपनि सुरुवातमा नै १ रन बनाएर आउट भएका थिए ।

यसअघि टस हारेर पहिले ब्याटिङ गरेको आयरल्याण्ड ९६ रनमा सीमित बनेको थियो । भारतीय बलरसामु नतमस्तक बन्दा आयरल्याण्ड १६ ओभरमा अलआउट बन्यो ।

आयरल्याण्डका लागि गेराथ डेलानीले १४ बलमा २६ रनको योगदान दिए । उनले २ चौका र २ छक्का हिर्काए ।

जोस लिटलले १३ बलमा १४ रनको योगदान दिए । उनले यसक्रममा दुई चौका प्रहार गरे । कर्टिस क्याम्फरले ८ बलमा १२ रन बनाए भने लोरकान टकरले १३ बलमा १० रन जोडे ।

भारतका लागि हार्दिङ पाण्ड्याले ३ विकेट लिए भने अर्शदीप सिंह र जसप्रित बुमराहले २–२ विकेट लिए । मोहम्मद सिराज र अक्षर पटेलले एक–एक विकेट हात पारे ।