झापा । पटाका पड्काउने क्रममा जलेर पाँच बर्षीय बालकको मृत्यु भएको छ । पर्सा जिल्ला पकाहाँ मैनपुर गाउँपालिका–२, मधुबनीका स्थानीय मखु सहनीका पाँच वर्षीय छोराको पटाका पड्काउने क्रममा जलेर मृत्यु भएको हो ।

सोमबार बिहान करिब ८:३० बजे पटाका पड्काउने क्रममा बालकको छातीमा आगो लागेको थियो । उनी गम्भीर रूपमा जलेर बेहोस भएका थिए ।

तत्काल उपचारका लागि वीरगञ्जस्थित तराई अस्पताल लगिए पनि उपचारकै क्रममा उनको मृत्यु भएको मृतकका बुबा मखु सहनीले बताए ।

पर्साका डिएसपी चक्रबहादुर मल्लका अनुसार घटनाबारे थप अनुसन्धान भइरहेको छ ।