बिर्तामोड । झापा अर्जुनधारा नगरपालिका–३ खुदुनाबारीका धनप्रसाद (नरेश) खनालले श्रीमती रेनुका खनाल हराएको भन्दै खोजि गरिदिन आग्रह गरेका छन् । पुष २ गते शनिबार रेनुका खुदुनाबारीस्थित घरबाट हात्तिसुँडेस्थित घर जान भनि हिडेपनि हालसम्म घर नआएकाले खोजि गरिदिन धनप्रसादले आग्रह गरेका हुन ।

रेनुका केहि महिनादेखि उपचारका लागि खुदुनाबारीस्थित घरमा छोराछोरीको साथमा बस्दै आएकी श्रीमान् धनप्रसादले बताए । मधुमेहबाट पिडीत रेनुका उपचारपश्चात हात्तीसुँडे फर्कने श्रीमान श्रीमतीबिच सल्लाह भएको भएपनि पुष २ गते शनिबारदेखि श्रीमती रेनुका तीन तोला सुन र चार लाख रुपैँया नगद लिएर बेपत्ता भएको धनप्रसादको भनाई छ । श्रीमती बेपत्ता भएकाले खोजिगरिदिन पुष ५ गते अस्थायी प्रहरी बिटको कार्यालय रोङ–२ बरफल्याङमा निवेदन दिएपनि हालसम्म फेला नपरेको धनप्रसादले बताए ।

रेनुका गाउँकै एक पुरुषसँग हिँडेको धनप्रसादको आशंका छ । राई थरका निज पुरुषसँग रेनुकाको अवैध सम्बन्ध रहेको भन्दै गत वैशाखमा छरछिमेकी बसेर आइन्दा त्यस्तो व्यवहार नगर्ने सहमति भएको धनप्रसादले बताए । तर रेनुका बेपत्ता भएकै दिनदेखि उक्त व्यक्तिसमेत गाउँबाट हिँडेकाले उनैले आफ्नी श्रीमती बेपत्ता पारेको धनप्रसादको आरोप छ ।

खनालले चाँडो निजहरुलाई पक्राउ गरि कानुनी दायरामा ल्याउन र आफ्नो धनमाल फिर्ता गराइदिन सम्बन्धित सबैलाई आग्रह गरेका छन् । उनले आफूमाथि सुरक्षा चुनौतीसमेत रहेको भन्दै प्रहरीसमक्ष सुरक्षा व्यवस्था मिलाईदिन अनुरोध गरेका छन् ।

भिडियो हेर्न तलको लिंक क्लिक गर्नुहोस

बेपत्ता श्रीमती खोजि गरिदिन अर्जुनधाराका खनालको आग्रह