बिर्तामोड । झापाको कचनकवल गाउँपालिकामा हात्तीको आक्रमणबाट एक जनाको मृत्यु भएको छ । बाह्रदशी गाउँपालिका १ का ३७ बर्षीय जगतबहादुर भुजेलको हात्तीको आक्रमणमा परि मृत्यु भएको हो ।

मंगलबार दिउँसो ४ः२० मा कचनकवल १ स्थित पश्चिम देउराली चारकोशे सामुदायिक वनमा घाँसदाउरा गरेर फर्कने क्रममा भुजेललाई वनसँगै जोडिएको यज्ञ ओलीको खेतमा हात्तीले आक्रमण गरेको जिल्ला प्रहरी कार्यालय झापाका प्रवक्ता डीएसपी वसन्त पाठकले जानकारी दिए । सोहि सामुदायिक वनबाट आएको हात्तीले भुजेललाई आक्रमण गरेको प्रहरीले जनाएको छ ।